قلبت فى الجرانين ودورت عن حاجة اقراها
صفحة ورا صفحة ادور واقلبها وراها
انى الاقى كلمة معقولة احسها او امشى وراها
مافيش غير صفحة واحدة هى الحقيقة منتهاها
صفحة الوفيات والصفحة اللى وراها

ابتسم ........ انت فى بلادى

لو لقيت الدنيا زحمة .......عادى
لو مالقيتش فى القلوب رحمة ...عادى
لو كان الكيلو ب 40 جنيه اللحمة ...عادى
ابتسم انت فى بلادى
لو اتنهبت الفلوس ........ عادى
لو اتدنت النفوس..........عادى
لو كان العقل محبوس ........ عادى
ابتسم انت فى بلادى

بحبها

بلدى .......بحبها وحبها له الف دليل ودليل
فى قعدة العصارى على شط نيل ...جميل
فى سهراية غنا وعود وناس تقول مواويل
ولمة صحاب حبايب يعشقوا كل اصيل

بحبها

على الرغم من حبى ليها بعنفوان
على الرغم حسى فى حبها بالامان
الاانى كل ما اكتب كلمة ليها
الاقى كلامى يطلع بلا عنوان
شديت على قلمى وقلت اكتب كلمتين
عقلى شدنى وقال لى حاسب انت رايح فين
قال اوعى مهما تكتب مش حتقرا
اصلها عنيها مغميين

من أنا
انا طائر من مئة الف طائر بسير فى اسراب مهاجرة
انا نجم يدور فى فلك به من النجوم الالاف متغايرة
انا حرف فى قصيدة بها الف الف بيت متناثرة
انا كلمة فى اى لغة من لغات الكون متبعثرة
من أنا
انا الانسان فى كل جزء من أرضها كان فيها عشقها
انا الانسان الزارع والحاصد والجانى من أرضها
انا الانسان الذى زاد بدمه ونفسه عن عرشها
انا الانسان البانى والمعلم والصانع لمجدها
من انا ................

موال فى حب مصر

الأوله آه...........والثانية آه...............والثالثة آه

الأولة مـــــــــياه وخضرة ووجه جميل

والثانية صــــحارى ولكنوزها ألف دليل

والثالثة رمح وجيش يحـــموا بلاد النيل

*******

الأوله بلدي من ثلاث حــروف اسـمـها

والثانية راح الألوف ضحايا في عشقها

والثالثة صبحوا حيارى لما بعدو عنها

*******

الأوله تلامذة بيقولوا مصر في نشيد الصباح

والثانية عامل في مصنعه أو في أرضه فلاح

والثالثة جندي ورا مدفعه يحكى قصة كفاح

*******

الأوله على حبها نتجمع........ مصر

والثانية يجمعنا شط النيل بعد العصر

والثالثة سهرة جميلة في باب النصر

*******

الأوله كلام حلو متفسر له معاني

والثانية لحن جميل أسمعه يهز كياني

والثالثة تصبح غنوه جميلة على لساني

*******

الأوله بلدي

والثانية بلدي

والثالثة بلدي......مصر

مصرى بدرجة مواطن